ತುಮಕೂರು : ಕನ್ನಡ ನಾಡು ವಿವಿಧ ಸಂಸ್ಕೃತಿಯನ್ನು ಪಡೆದುಕೊಂಡಿರುವ ನಾಡು,ಕನ್ನಡ ಭಾಷೆಗೆ, ಸಂಸ್ಕೃತಿಗೆ,ಪರಂಪರೆಗೆ, ಪರಂಪರೆಗೆ,ಕವಿಗಳು ಕೊಟ್ಟಿರುವ ಕೊಡುಗೆ ಅಪಾರ,ಜಿಲ್ಲಾ ಕನ್ನಡ ಸಾಹಿತ್ಯ ಸಮ್ಮೇಳನ ತುಮಕೂರಿಗೆ ಒಂದು ದಿಕ್ಸೂಚಿ ಆಗಬೇಕು, ಎಂದು ಡಾ.ಜಿ ಪರಮೇಶ್ವರ್ ಹೇಳಿದರು.

ನಗರದ ಗಾಜಿನಮನೆ, ಅಮಾನಿಕೆಕೆರೆಯಲ್ಲಿ ಆಯೋಜಿಸಿದ್ದ 17 ನೇ ಜಿಲ್ಲಾ ಕನ್ನಡ ಸಾಹಿತ್ಯ ಸಮ್ಮೇಳನ ಮತ್ತು ಕುವೆಂಪು ಜನ್ಮದಿನಾಚರಣೆಯಲ್ಲಿ ಮಾತನಾಡಿದ ಗೃಹ ಸಚಿವ ಡಾ.ಜಿ ಪರಮೇಶ್ವರ್ ಅವರು 17ನೇ ಜಿಲ್ಲಾ ಕನ್ನಡ ಸಾಹಿತ್ಯ ಸಮ್ಮೇಳನಕ್ಕೆ ಕುಣಿಗಲ್ ತಾಲ್ಲೂಕಿನವರಾದ  ಡಾ. ಕರಿಗೌಡ ಬೀಚನಹಳ್ಳಿಯವರನ್ನು ಸಮ್ಮೇಳನಾಧ್ಯಕ್ಷರನ್ನಾಗಿ ಆಯ್ಕೆ ಮಾಡಿರುವುದು ಸಮಯೋಚಿತವಾದದ್ದು, ಮೈಸೂರು ರಾಜರ ಆಳ್ವಿಕೆ ಕಾಲದಲ್ಲಿ 1915ರಲ್ಲಿ ಆರಂಭವಾದ ಕನ್ನಡ ಸಾಹಿತ್ಯ ಪರಿಷತ್ ದಶಕಗಳನ್ನೇ ಮೀರಿದೆ,ತುಮಕೂರಿನಲ್ಲಿ 1966 ರಲ್ಲಿ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ ಆರಂಭವಾಗಿ ಅರವತ್ತರ ಸಂವತ್ಸರದಲ್ಲಿದೆ. ತುಮಕೂರಿನಲ್ಲಿ ಕೂಡ ಅಖಿಲ ಕನ್ನಡ ಸಾಹಿತ್ಯ ಪರಿಷತ್ ಸಮ್ಮೇಳನಗಳು ಕೂಡ ಆಗಿವೆ, ಕನ್ನಡ ರಕ್ಷಣೆಯ ಬೆಳವಣಿಗೆಯ ನಡುವೆಯು ಕೂಡ ಕನ್ನಡ ಸಾಹಿತ್ಯವನ್ನು ಉಳಿಸಿಕೊಂಡು ಬಂದಿದ್ದೇವೆ, ಕನ್ನಡ ಸಾಹಿತ್ಯ ಸಮ್ಮೇಳದಲ್ಲಿ ಕನ್ನಡದ ಬೆಳವಣಿಗೆ ಅಲ್ಲ ಕರುನಾಡಿನ ಬೆಳವಣಿಗೆ ಆಗಬೇಕು, ಇತ್ತೀಚಿನ ದಿನಗಳಲ್ಲಿ ಅಂತಹ ಬೆಳವಣಿಗೆ ಕಡಿಮೆಯಾಗಿದೆ,ಆದರೆ ಕನ್ನಡ ನಾಡಿನ ಬೆಳವಣಿಗೆ ಕನ್ನಡಿಗರಿಂದಲೇ ಆಗಬೇಕೆ ಹೊರತು ಬೇರೆಯವರಿಂದ ಸಾಧ್ಯವಿಲ್ಲ.

ಕರ್ನಾಟಕ ಭಾರತ ಮಾತೆಯ ಒಬ್ಬ ಮಗಳು,

ತಮಿಳು,ತೆಲುಗು,ಮರಾಠಿ, ಗುಜರಾತಿ, ಮಲಯಾಳಂ  ಕನ್ನಡದ ಸಹೋದರಿಗಳು

ಮಗಳು ಹಾಳಾಗಿ ತಾಯಿ ಬೆಳೆಯಲು ಸಾಧ್ಯವಿಲ್ಲ –  ಕುವೆಂಪು

ಕನ್ನಡವನ್ನು ಬೆಳೆಸುವವರಿಗೆ ನಾವು ಪ್ರೋತ್ಸಾಹವನ್ನು ಕೊಡಬೇಕಾಗುತ್ತದೆ, ಇಂದು ಕನ್ನಡಿಗರು ಇಡೀ ವಿಶ್ವದಲ್ಲೇ ಇದ್ದಾರೆ, ಸುಲಭವಾಗಿ ಯಾವುದೇ ಭಾಷೆಗೆ ಹೆಚ್ಚು ಜ್ಞಾನಪೀಠ ಪ್ರಶಸ್ತಿ ಬರುವುದಿಲ್ಲ, ಸುಲಭವಾಗಿ ಯಾವುದೇ ಭಾಷೆಗೆ ನಾಡ ಭಾಷೆಯಿಂದ ಹೇಳುವುದಿಲ್ಲ, ಎಲ್ಲಾ ಕವಿಗಳು ಆ ಕಾಲಘಟ್ಟದಲ್ಲಿ ಕನ್ನಡ ನಾಡಿಗೆ ಗೌರವವನ್ನು ಸೂಚಿಸಿದ್ದಾರೆ, ತುಮಕೂರು ಬಹಳ ವೇಗವಾಗಿ ಬೆಳೆಯುತ್ತಿದೆ, ಇನ್ನೇನು ಹತ್ತಿರ ದಿನಗಳಲ್ಲಿ ಬೆಂಗಳೂರು ಮತ್ತು ತುಮಕೂರು ಯಾವುದೇ ವ್ಯತ್ಯಾಸವಿಲ್ಲದೆ ಬೆಳೆಯುವ ಸಾಧ್ಯತೆ ಇದೆ, ತುಮಕೂರು ಶೈಕ್ಷಣಿಕ ಕೇಂದ್ರವಾಗಿ ಬೆಳೆಯುತ್ತಿದೆ ಎಂದರು.

ನಾಡೋಜ ಬರಗೂರು ರಾಮಚಂದ್ರಪ್ಪ ನವರು ಮಾತನಾಡಿ, ಕರ್ನಾಟಕದಲ್ಲಿ ಜ್ಞಾನಪೀಠ ಪ್ರಶಸ್ತಿ ಪಡೆದ ಕನ್ನಡದ ಮೊದಲ ಕವಿ ಕುವೆಂಪು, ಕನ್ನಡ ಭಾಷೆ, ಸಂಸ್ಕೃತಿ,ಪರಂಪರೆ,ಶಾಲೆಯ ವಿಚಾರಗಳಲ್ಲಿ ನಿರಂತರವಾಗಿ ಬೆಂಬಲಿಸುತ್ತಿದ್ದವರು ಕುವೆಂಪು, ಗ್ರಾಮೀಣ ಭಾಗದಲ್ಲಿ ಶಾಲೆಗಳನ್ನು ಉಳಿಸಬೇಕು, ಹಳೆಯ ಶಾಲೆಗಳಿಗೆ ಮೂಲ ಸೌಕರ್ಯಗಳನ್ನು ಕಲ್ಪಿಸಿಕೊಡಬೇಕು, ಕನ್ನಡ ಕಲಿಯದೇ ಹೋದರೆ ಕನ್ನಡ ಪುಸ್ತಕಗಳನ್ನು, ಪತ್ರಿಕೆಗಳನ್ನು ಓದುವರು ಇರುವುದಿಲ್ಲ, ಕನ್ನಡ ನಾಟಕಗಳು ನಡೆಯುವುದಿಲ್ಲ, ಸರ್ಕಾರಿ ಶಾಲೆಗಳು ಇಲ್ಲದೆ ಹೋದರೆ ಸ್ವಾತಂತ್ರ್ಯ ದಿನಾಚರಣೆ ನಡೆಯುವುದಿಲ್ಲ, ಗಣರಾಜ್ಯೋತ್ಸವ ನಡೆಯುವುದಿಲ್ಲ, ಗಾಂಧಿ ಜಯಂತಿ ನಡೆಯುವುದಿಲ್ಲ, ಯಾವ ಆಚರಣೆಗಳು ನಡೆಯುವುದಿಲ್ಲ, ಕುವೆಂಪು ಕವಿಯಾಗಿ ಸಾಮಾಜಿಕ ಶ್ರೇಣೀಕರಣವನ್ನು, ಧಾರ್ಮಿಕ ಆಚರಣೆಯನ್ನು ವಿರೋಧಿಸಿದವರು, ಕುವೆಂಪು ಸಾಹಿತ್ಯದ ಬರವಣಿಗೆಯ ಮೂಲಕ ಸಾಮಾಜಿಕ ಬೆಳವಣಿಗೆ ಕಾರಣರಾದವರು.

ನಾಡಗೀತೆಯನ್ನು ಅನುಸರಿಸುವುದಾದರೆ ಈ ನಾಡು,ಭಾಷೆ,ಸಂಸ್ಕೃತಿಗೆ ಗೌರವವನ್ನು ಕೊಡಬೇಕು. ಕುವೆಂಪುರವರು ಸರ್ವರಿಗೂ ಸಮಪಾಲು ಎಂದು ಸಮಾನತೆಯನ್ನು ಪ್ರತಿಪಾದಿಸಿದವರು, ಕುವೆಂಪು ಆಧ್ಯಾತ್ಮಿಕತೆಯುಳ್ಳ ವ್ಯಕ್ತಿಯಾಗಿದ್ದವರು, ಅವರ ಜಲಗಾರ, ಬೆರಳ್ ಕೊರಳ್, ಶೂದ್ರತಪಸ್ವಿ ಗ್ರಂಥಗಳನ್ನು ನೋಡಿದರೆ ಸಾಮಾಜಿಕ ಆಯಾಮ ಹೊಂದಿದ ಆಧ್ಯಾತ್ಮಿಕತೆಯನ್ನು ಹೊಂದಿದ್ದವು. ಕುವೆಂಪು ರವರು ಪುರೋಹಿತಶಾಯಿ ವಿರೋಧಿಯಾಗಿದ್ದರು.ಪಂಪ ಜಾತಿ ಪದ್ಧತಿಯನ್ನು ವಿರೋಧ ಮಾಡಿದ್ದವರಲ್ಲಿ ಮೊದಲ ಕವಿ, ಅನಂತರ ಬಸವಣ್ಣನವರು, ಕವಿ ಯಾರಾ ಗುಲಾಮನಲ್ಲ, ಅವನಿಗೆ ಅವನದೆ ಆದ ಸ್ವಾಯುತ್ತತೆ ಇದೆ, ಕುವೆಂಪು ಜಾತಿ ಪದ್ಧತಿ, ಧಾರ್ಮಿಕ ಆಚರಣೆಗೆ, ಆಧ್ಯಾತ್ಮಿಕತೆಗೆ ಸಾಮಾಜಿಕ ಆಯಾಮ ಕೊಟ್ಟವರು ಎಂದರು.

ಸಮ್ಮೇಳನಾಧ್ಯಕ್ಷರಾದ ಡಾ.ಕರೀಗೌಡ ಬೀಚನಹಳ್ಳಿ ಮಾತನಾಡಿ, ಕರ್ನಾಟಕದಲ್ಲಿ ನಾಲ್ವಡಿ ಕೃಷ್ಣ ರಾಜ ಒಡೆಯರ್ ಅವರು ಕನ್ನಡ ಸಾಹಿತ್ಯ ಪರಿಷತ್ ನ್ನು ಸ್ಥಾಪಿಸಿದರು, ಕರ್ನಾಟಕದಲ್ಲಿ ಕನ್ನಡವೇ ಸಾರ್ವಭೌಮ ಎಂಬುದು ನಾಲ್ವಡಿಯವರ ಧ್ಯೇಯವಾಗಿತ್ತು, ತುಮಕೂರು ಸಾಹಿತ್ಯ,ಶಿಕ್ಷಣ,ಕಲೆ,ಜನಪದ ಪರಂಪರೆಗೆ ಹೆಸರುವಾಸಿಯಾಗಿದೆ, ತುಮಕೂರು ಸಾಮಾಜಿಕವಾಗಿ, ಶೈಕ್ಷಣಿಕವಾಗಿ, ಆರ್ಥಿಕವಾಗಿ ಮತ್ತು ಸಾಂಸ್ಕೃತಿಕವಾಗಿ ಅಭಿವೃದ್ಧಿಯ ಪಥದಲ್ಲಿ ಸಾಗುತ್ತಿದೆ. ಕನ್ನಡ ಸಾಹಿತ್ಯ ಭಾಷೆ,ಪರಂಪರೆ, ಸಂಸ್ಕೃತಿಗೆ ಹೆಸರುವಾಸಿಯಾಗಿದೆ. ಕನ್ನಡ ಸಾಹಿತ್ಯವು ಚಂಪೂ, ವಚನ,ರಗಳೆ, ಷಟ್ಪದಿ,ಕೀರ್ತನ,ಸಾಂಗತ್ಯ, ಕಂದ ಮುಂತಾದ ಪ್ರಕಾರಗಳಲ್ಲಿ ಅಗಾಧವಾಗಿ ಬೆಳೆದು ಬಂದಿದೆ ಎಂದು ಹೇಳಿದರು.

ವರದಿ – ಥಕ್ಷ ವೈದ್ಯ ಪಟೇಲ್ A S