ಮಾದಿಗ ಸಮಾಜ ಹೆಚ್ಚು ಸಂಘಟಿತರಾಗಿ ಪ್ರಗತಿ ಕಾಣುವಂತೆ ಮಾದಾರ ಮಹಾ ಸಭಾ ಜಿಲ್ಲಾಧ್ಯಕ್ಷ ವೈ.ಎಸ್‌.ಹುಚ್ಚಯ್ಯ ಕರೆ

ಪಾವಗಡ : ಸಮಾಜವು ಸಂಘಟಿತರಾಗಿ ಶೈಕ್ಷಣಿಕ,ಅರ್ಥಿಕ ಹಾಗೂ ರಾಜಕೀಯ ಹಾಗೂ ಸಾಮಾಜಿಕ ಪ್ರಗತಿ ಕಾಣುವಂತೆ ಮಾಜಿ ಜಿಪಂ ಅಧ್ಯಕ್ಷ ಹಾಗೂ ರಾಜ್ಯ ಮದರ್‌ ಮಹಾ ಸಭಾ ಜಿಲ್ಲಾಧ್ಯಕ್ಷ ವೈ.ಎಸ್‌.ಹುಚ್ಚಯ್ಯ ಕರೆ ನೀಡಿದರು.

ತಾಲೂಕು ಮಾದಿಗ ಸಮಾಜದ ಒಕ್ಕೂಟದಿಂದ ಭಾನುವಾರ ಪಟ್ಟಣದ ಡಾ.ಬಿ.ಆರ್‌.ಅಂಬೇಡ್ಕರ್‌ ಭವನದಲ್ಲಿ ಹಮ್ಮಿಕೊಂಡಿದ್ದ ಮಾದಿಗ ಮಹಾ ಸಂಘಟನೆ ಮಹಾ ಸಭೆಯಲ್ಲಿ ಭಾಗವಹಿಸಿ ಮಾತನಾಡಿದರು.ಮಾದಿಗ ಸಮಾಜ ಸಂಘಟಿತರಾಗಬೇಕು.ಹಕ್ಕುಗಳಿಗಾಗಿ ಹೋರಾಟ ನಡೆಸುವ ಮೂಲಕ ಪ್ರಗತಿದತ್ತ ಸಾಗಬೇಕು.ಸಂಘಟನೆಯಿಂದ ಏನಾದರೂ ಸಾಧಿಸಬಹುದು.ಈ ಹಿನ್ನಲೆಯಲ್ಲಿ ಮಾದರ್‌ ಸಮಾಜ ತಾಲೂಕು ಹಾಗೂ ರಾಜ್ಯದಲ್ಲಿ ಪ್ರಬಲ ಸಂಘಟನೆಯಾಗಬೇಕು.ಈ ನಿಟ್ಟಿನಲ್ಲಿ ಸಮುದಾಯ ಒಗ್ಗೂಡಿ ಪ್ರಗತಿ ಕಾಣುವಂತೆ ಸಲಹೆ ನೀಡಿದರು.ಮುಂದಿನ ದಿನಗಳಲ್ಲಿ ಇಲ್ಲಿನ ಮದರ್‌ ಮಹಾ ಸಭಾ ತಾಲೂಕು ಶಾಖೆಗೆ ಪದಾಧಿಕಾರಿಗಳ ಆಯ್ಕೆ ಪ್ರಕ್ರಿಯೆ ನಡೆಸುವುದಾಗಿ ಹೇಳಿದರು.

ಮಾಜಿ ಶಾಸಕ ಕೆ.ಎಂ.ತಿಮ್ಮರಾಯಪ್ಪ ಮಾತನಾಡಿ,ಮಾದಿಗ ಸಮಾಜದ ಉತ್ತಮ ಭವಿಷ್ಯ ಹಾಗೂ ಪ್ರಗತಿಗೆ ಹೆಚ್ಚು ಸಂಘಟಿತರಾಗಬೇಕು.ತತ್ವ ಸಿದ್ದಾಂತಗಳ ಅಡಿಯಲ್ಲಿ ನಮ್ಮ ಬದುಕುಕಟ್ಟಿಕೊಳ್ಳಬೇಕು.ಇಂದು ಶೈಕ್ಷಣಿಕವಾಗಿ ಪ್ರಗತಿ ಕಾಣಬೇಕಿದ್ದು,ಪ್ರತಿ ಮನೆಯಲ್ಲಿಯೂ ವಿದ್ಯಾವಂತರ ಸಂಖ್ಯೆ ಹೆಚ್ಚಾಗಬೇಕು.ಆ ಮೂಲಕ ಅರ್ಥಿಕ,ಸಾಮಾಜಿಕ ಹಾಗೂ ರಾಜಕೀಯವಾಗಿ ಅಭಿವೃದ್ದಿ ಕಾಣಬೇಕಿದೆ ಎಂದರು.

ನಿವೃತ್ತ ಪ್ರಾಂಶುಪಾಲ ಬಸವಲಿಂಗಪ್ಪ ಸಮುದಾಯದ ಪ್ರಗತಿ ಕುರಿತು ಮಾತನಾಡಿದ್ದು,ತಾಲೂಕು ದಲಿತ ಮುಖಂಡರಾದ ಎಸ್‌.ಹನುಮಂತರಾಯಪ್ಪ,ಉಗ್ರಪ್ಪ,ಕೋರ್ಟ್‌ ನರಸಪ್ಪ,ಪಾವಗಡ ಶ್ರೀರಾಮ್‌,ಮಾಜಿ ತಾಪಂ ಅಧ್ಯಕ್ಷ ರಾಮಾಂಜಿನಪ್ಪ,ವಕೀಲ ರಾಮಾಂಜಿನೇಯ,ಅಂಜಯ್ಯ,ಕಡಪಲಕರೆ ಪಿ.ಹನುಮಂತರಾಯಪ್ಪ,ಡಿಎಸ್‌ಎಸ್‌ ಜಿಲ್ಲಾ ಸಂಘಟನಾ ಸಂಚಾಲಕ ಸಿ.ಕೆ.ತಿಪ್ಪೇಸ್ವಾಮಿ,ಮಂಗಳವಾಡ ಮಂಜುನಾಥ್‌,ದೇವಲಕರೆ ಲಿಂಗಣ್ಣ,ವಿ.ಎಸ್‌.ನಾಗೇಶ್‌,ಕನ್ನಮೇಡಿ ಕೃಷ್ಣಮೂರ್ತಿ,ಕಡಮಲಕುಂಟೆ ಹನುಮಂತರಾಯಪ್ಪ,ಹೊಸಹಳ್ಳಿ ಮಲ್ಲಿಕಾರ್ಜುನ, ಬಿ.ಪಿ.ಪೆದ್ದನ್ನ,ಕಡಪಲಕರೆ ನರಸಿಂಹಪ್ಪ,ನಲಿಗಾನಹಳ್ಳಿ ಮಂಜುನಾಥ್,ಮಾರಪ್ಪ,ಡಿಎಸ್‌ಎಸ್‌ ನರಸಿಂಹಪ್ಪ,ಕತಿಕ್ಯಾತನಹಳ್ಳಿ ನಾರಾಯಣಪ್ಪ,ವಕೀಲ ನರಸಿಂಹಪ್ಪ,ರಾಮಪ್ಪ,ಪಳವಳ್ಳಿ ನರಸಿಂಹಪ್ಪ,ನಾಗರಾಜು,ಸಿ.ಟಿ.ಮಾರಪ್ಪ ಹಾಗೂ ಇತರೆ ಅನೇಕ ಮಂದಿ ದಲಿತಪರ ಸಂಘಟನೆಯ ಮುಖಂಡರು ಹಾಗೂ ಸಮಾಜದ ಬಂಧುಗಳಿದ್ದರು.